མཇུག་ མེད་ཁྱི་རྒན་རྒྱལ་པོར་གྱུར་པའི་འོག །སེང་ཕྲུག་སྤུས་མོ་བཙུགས་པ་ཡིད་རེ་སྐྱོ།།
ཉིན་ བྱེད་གཞོན་ནུ་ནུབ་རི་རྒྱབ་ཏུ་བཞུད།།
ལྷགས་ རླུང་དྲག་པོས་ལོ་འདབ་ལྷོ་རུ་སྤུར།།
མུན་ པའི་སྲུབ་ནས་འབྱུང་པོའི་བྱ་ཚོགས་ཀྱིས།།
སྲིན་ པོའི་ཐན་སྐད་སྒྲོག་པས་རྣ་བར་གཟན།།
གོ་ ལའི་དྲོད་ཀྱིས་གངས་རི་བཞུ་བའི་ཁྲོད།།
གངས་ སེང་དཀར་མོའི་རྒྱང་དུ་ཕེབས་པའི་ཤུལ།།
ཁྱི་ རྒན་རྒྱལ་པོར་གྱུར་པའི་གཤམ་འོག་ན།།
སེང་ ཕྲུག་སྤོས་མོ་བཙུགས་པ་ཡ་རེ་ང་།།
མཇུག་ མ་མེད་པའི་ཁྱི་རྒན་ལག་སྦྲེལ་གྱིས།།
འགྲན་ དང་ཕྲག་དོག་ངུ་རྒྱངས་དྲག་པོ་ཡིས།།
སེང་ ཕྲུག་བརྙས་ཤིང་སྤྱོས་པའི་ཚུལ་བསམ་ན།།
གངས་ སེང་སླར་ཡང་མ་དྲན་རང་དབང་ཅི།།
སེང་ ཕྲུག་ཅིག་གིས་མཇུག་མེད་ཁྱི་རྒན་འགར།།
སྐྱག་ པ་རྡོ་འབེན་བྱེད་འདོད་མི་འདུག་པས།།
སྙིང་ སྟོབས་སྤོབས་པ་སེམས་སུ་འབར་བྱས་ནས།།
སྙིང་ རྗེའི་སེམས་ཀྱིས་བཏང་སྙོམས་བཞག་ན་བསམ།།
ངའི་ ཉེ་འཁོར་གྱི་མི་འགའ་ཤས་ཀྱི་བྱེད་བབ་ལ་བརྟེན་ནས་རང་ཤག་ནས་ཐོལ་བྱུང་དུ་བྲིས།
No comments:
Post a Comment